سکھرمیں 4 نوجوانوں نے 10 سالہ بچے کو پٹرول چھڑک کر زندہ جلا دیا
سکھر (اے پی پی) سکھرمیں 4 نوجوانوں نے 10 سالہ بچے پر پیٹرول چھڑک کر آگ لگا دی ۔نجی ٹی وی چینل کے مطابق صوبہ سندھ کے علاقے پرانا سکھر میں نصرت کالونی کا رہائشی 10 سالہ فرخ انصاری محلے میں کھیلنے نکلا جسے کاشف انصاری نے اپنے تین ساتھیوں کے ہمراہ روہڑی کے نزدیک پہاڑوں میں لے جاکر پیٹرول چھڑک کر آگ لگا دی۔ ایک ملزم کی نشاندہی پر پولیس نے لاش برآمد کرکے پوسٹ مارٹم کے لئے ہسپتال منتقل کر دی ہے۔ پولیس نے دیگر تین ملزمان کی تلاش شروع کر دی ہے۔
