اسلام آباد(نوائے وقت نیوز)اسلام آباد سمیت ملک کے مختلف شہروں میں زلزلے کے جھٹکے محسوس کئے گیے۔زلزلے کی شدت5.5تھی، کئی علاقوں میں لوگ خوف زدہ ہو کر کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز اسلام آباد کے مطابق زلزلہ رات4بج کر5منٹ پرآیا، جس کی شدت5.5تھی، زلزلے کا مرکز کوہ ہندوکش افغانستان ریجن میں تھا، جبکہ گہرائی 180کلومیٹر ریکارڈ کی گئی۔زلزلے کے یہ جھٹکے لاہور، اسلام آباد، راولپنڈی، غذر اور نوشہرہ سمیت پنجاب اور خیبر پی کے کے کئی علاقوں میں محسوس کئے گئے۔