حیدرآباد سے نوجوان ڈاکٹر سمیت مزید 2 افراد لاپتہ
حیدرآباد (نامہ نگار) حالیہ دنوں میں طلبہ کی گمشدگی کے حوالے سے مخصوص شہرت پانے والے حیدرآباد کے علاقے میر حسن آباد کے رہائشی نوجوان ویٹرنری ڈاکٹر سمیت مزید دوافراد پراسرار طورپر لاپتہ ہو گئے۔ نوجوان شایان آریجو کے والد زرعی یونیورسٹی ٹنڈو جام سے شعبہ سائنس کے پروفیسر ڈاکٹر عبداللہ آریجو نے نوائے وقت کو بتایا کہ ان کا 22 سالہ بیٹا شایان جو دو بچوں کا باپ ہے‘ صبح اپنے گھر مہمان آئے چچازاد بھائی 57 سالہ محکمہ خوراک کے افسر خام حسین آریجو کو شہباز بلڈنگ تک چھوڑنے کیلئے گھر سے روانہ ہوا‘ تاہم اس کے بعد شایان اور خادم آریجو کا کچھ پتہ نہ چلا۔ دوسری جانب جئے سندھ قومی محاذ (آرسیر) گروپ نے خادم حسین آریجو کو اپنا کارکن ظاہر کرتے ہوئے دعویٰ کیا ہے کہ خادم حسین رند کو دفتر جاتے ہوئے سادہ لباس اہلکاروں نے اغوا کیا اور اپنے ساتھ لے گئے۔ نورین بھی اسی علاقے کی رہائشی ہے جبکہ لاپتہ اور بازیاب ہونے والا طالبعلم شہباز سومرو بھی یہیں رہتا ہے۔
