کراچی(صباح نیوز+ آئی این پی)کراچی کے علاقوں بلال کالونی، رشید آباد، پہاڑ گنج، ڈسلوا ٹاون، نیو کراچی اور عزیز آباد میں پولیس کے آپریشن کرکے40 سے زائد مشتبہ افراد کو حراست میں لے لیا گیا۔آپریشن میں مبینہ ٹارگٹ کلر سمیت 4ملزمان بھی گرفتارکیے گئے۔ایس پی گلبرک بشیر بروہی کے مطابق خفیہ اطلاع پر جوہر آباد میں کارروائی کرتے ہوئے ملزم عمر فاروق عرف راشد چریا کو گرفتار کیا گیا، ملزم کا تعلق ایم کیو ایم لندن سے ہے۔ملزم نے 1995میں بلوچ گوٹھ میں فائرنگ کرکے پانچ افراد کو قتل کیا تھا، واردات میں اس کے دیگر ساتھی بھی ملوث تھے۔بلال کالونی اور رشید آباد میں سرچ آپریشن کے دوران گھر گھر تلاشی لی گئی،اور دس مشتبہ ا فراد کو حراست میں لیکر تفتیش کے لئے تھانے منتقل کردیا گیا۔ ڈی سلوا ٹاﺅن اور پہاڑ گنج کے علاقوں میں سرچ آپریشن کے دوران 20مشتبہ افراد کو حراست میں لیکر تفتیش کے لئے تھانے منتقل کردیا گیا۔ نیو کراچی کی بلال کالونی اور رشید آباد میں پولیس نے سرچ آپریشن کے دوران دو ملزموں کو سولجر بازار تھانے سے چھینی گئی موٹر سائیکل اور اسلحے سمیت گرفتار کرلیا گیا، جب کہ کارروائی کے دوران 9 مشتبہ افراد کو بھی حراست میں لیا گیا۔پولیس کے مطابق تین ملزم نیو کراچی سیکٹر 11۔اے میں تیل کی دکان میں ڈکیتی کی نیت سے داخل ہوئے، لوٹ مار کے دوران مالک کی مزاحمت پر ملزموں نے فائرنگ کردی جس سے ان کا اپنا ہی ساتھی زخمی ہوگیا۔فائرنگ کے بعد ملزم فرار ہوگئے تاہم زخمی ملزم جنید علاج کے لئے ہسپتال پہنچا تو پولیس نے اسے گرفتار کرلیا۔
کراچی