ڈسکہ (صباح نیوز) ملک کا سب سے بڑا فوجی اعزاز نشان حیدر حاصل کرنے والے عظیم سپوت سابق آرمی چیف جنرل راحیل شریف کے بھائی میجر شبیر شریف شہید کا 74 واں یوم پیدائش آج جمعہ 28 اپریل کو بھرپور طریقہ سے منایا جارہا ہے۔ میجر شبیر شریف 28 اپریل 1943ء کو گجرات کی راجپوت فیملی میں پیدا ہوئے اور 19 اپریل 1964ء کو پاک آرمی میں شمولیت اختیار کی۔ میجر شبیر شریف نے دشمن کے ساتھ جوانمردی سے مقابلہ کرتے ہوئے 6 دسمبر 1971ء کو سلیمانکی سیکٹر میں جام شہادت نوش کیا ا۔ انہیں سب سے بڑے فوجی اعزاز نشان حیدر سے نوازا گیا شہادت کے وقت ان کی عمر 28 برس تھی۔