چھانگا مانگا/ چونیاں (نامہ نگار + نمائندہ نوائے وقت) سابق وزیراعلیٰ پنجاب سردار محمد عارف نکئی مرحوم کی اہلیہ‘ سابق وزیرمملکت سردار محمد آصف نکئی‘ سردار عاطف نکئی کی والدہ اور سابق وفاقی وزیر اور پی ٹی آئی پنجاب کے نائب صدر سردار طالب نکئی کی خوش دامن انتقال کر گئیں۔ مرحومہ کی نمازجنازہ ان کے آبائی گائوں آدھن میں ادا کی گئی جہاں انہیں سپردخاک کر دیا گیا۔ نمازجنازہ میں سابق وزیرخارجہ خورشید محمود قصوری‘ چودھری وجاہت حسین‘ سابقہ وفاقی وزیر عامر سلطان چیمہ‘ ایم این اے بلال ورک‘ ایم این اے رانا سرفراز احمد خان‘ سابقہ ضلع ناظم رانا امتیاز احمد خان‘ ڈاکٹر گوہر نذیر‘ گدی نشین موہڑہ شریف ناصر باجوہ‘ شعیب چیمہ‘ طارق بشیر چیمہ‘ میجر اعجاز‘ سابق ایم پی اے پیر مختار احمد‘ چودھری ندیم اشرف جٹ‘ محمد افضل شاہین‘ چودھری اختر یاسین سمیت سینکڑوں افراد نے شرکت کی۔