اسلام آباد+ گوجرانوالہ (نمائندہ خصوصی+ نیوز ایجنسیاں) تحریک انصاف کے اسلام آباد میں ہونے والے جلسے میں شرکت کیلئے گوجرانوالہ سے مقامی قائدین کی قیادت میں قافلے روانہ ہوئے‘ دلہا بھی بارات کی بجائے قافلے کے ساتھ اسلام آباد روانہ ہوا‘ کپتان کے کھلاڑی روانگی سے قبل ڈھول کی تھاپ پر بھنگڑے ڈالتے اور نعرے بازی کرتے رہے۔ تحریک انصاف کے جلسے میں کارکن ایک دوسرے سے لڑ پڑے‘ لاٹھیوں اور ڈنڈوں کا آزادانہ استعمال کیا گیا۔