لاہور(نمائندہ سپورٹس)پاکستان نے آسٹریلین نیشنل جونیئر ہاکی چیمپئن شپ کا ٹائٹل جیت لیا۔ گرین شرٹس نے نیوسائوتھ ویلز کو 3-2گولز سے ہرا کر طلائی تمغہ جیتنے کا اعزاز حاصل کیا۔ آسٹریلیا کے شہر ہوبارٹ میں کھیلے گئے فائنل میں کے 13ویں منٹ میں پاکستانی کھلاڑی نوید عالم نے فیلڈ گول کر کے ٹیم کو برتری دلائی، 24ویں منٹ میں ندیم احمد نے پنالٹی کارنر پر گول کر کے ٹیم کی برتری دوگنی کر دی ، 44ویں منٹ میں ندیم احمد نے فیلڈ گول کر کے مقابلہ 3-0 کر دیا، ہیزل نے پنالٹی سٹروک پر گول کر کے مقابلہ 3-1 کر دیا، 65ویں منٹس میں نیوسائوتھ ویلز کے ڈین رچرڈز نے پنالٹی کارنر پر گول کر کے مقابلہ 3-2 کر دیا، اس کے بعد گرین شرٹس نے حریف ٹیم کو مزید گول نہ کرنے دیا ۔