راولاکوٹ، ٹائیں ڈھلکوٹ (صباح نیوز) وزیراعظم آزادکشمیر راجہ فاروق حیدر خان نے کشمیر کو پاکستان سے ملانے والے ٹائیں ڈھلکوٹ پل کا افتتاح کر دیا۔ انہوں نے خطاب میں کہاہے کہ عوام کو جوڑ دیاہے، آزادکشمیر میں پونچھ ڈویڑن کے لاکھوں کی آبادی کو راولپنڈی اسلام آباد کیلیے سفری سہولت میں آسانی ہوگی۔ ٹائیں ڈھلکوٹ پل کے ذریعے آزادکشمیر کے علاقہ راولاکوٹ کا راولپنڈی سے رابطہ بحال ہوگیا۔ وزیراعظم آزادکشمیر کا والہانہ استقبال کیا گیا۔ وزیراعظم آزادکشمیر کا اس موقع پر کہنا تھا کہ عوام کو بہترین سفری سہولت دینا حکومت کی اولین ترجیح ہے۔