لاہور (کامرس رپورٹر) نیسلے پاکستان نے بے نظیر انکم سپورٹ پروگرام (BISP) سے شراکت داری کی ہے ، اس شراکت داری کے تحت نیسلے پاکستان،ملک میں دیہی خواتین کو بہتر ذریعۂ معاش کے مواقع فراہم کرے گا۔ یہ شراکت داری نیسلے پاکستان کے رورل ریچ پراجیکٹ کا حصہ ہے جس کی توجہ کم آمدنی والے آبادی کے طبقے کے ضروریات پر مرکوز ہے اور وہ ان کے لئے یہ مصنوعات بناتی ہے۔ اس شراکت داری کے تحت ، نیسلے پاکستان، بے نظیر انکم سپورٹ پروگرام سے فائدہ اٹھانے والی خواتین کو بہتر ذریعۂ معاش فراہم کرے گا ۔مستفید ہونے والی یہ خواتین نیسلے پاکستان کی سیلز ایجنٹ کے طور پر کام کریں گی اور نیسلے پاکستان کی جانب سے اپنے علاقے میں گھر گھر جاکر نیسلے کی مصنوعات فروخت کریں گی۔