پاکستان آگہی پروگرام،مقامی سکولوں کے اساتذہ اور طلبا کا ایوان کارکنان پاکستان اور ایوان قائداعظم کا دورہ،موبائل یونٹوں کے سکولوں میں لیکچر
لاہور(خصوصی رپورٹر) صفہ گروپ آف سکولز‘ فرینڈز روڈ‘ مدینہ کالونی کے طلبا اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظم اور ایفا سکول سسٹم مصطفی آباد‘ المصطفیٰ کیمپس اعظم گارڈنز کے طلباو طالبات اور اساتذۂ کرام نے ایوانِ قائداعظم جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ ہائی سکول چوہنگ ملتان روڈ گورنمنٹ گرلز ہائر سیکنڈری سکول چوہنگ‘ گورنمنٹ شہدائے اے پی ایس میموریل ماڈل ہائی سکول ماڈل ٹائون‘ گورنمنٹ پرائمری سکول لنگیانوالہ جڑانوالہ روڈ‘ مشعل ہائی سکول بیگم کوٹ شاہدرہ کا وزٹ کیا۔ مستفید ہونے والے اساتذہ اور طلبہ کی مجموعی تعداد 483 تھی۔
