فیصل آباد+ پاکپتن+ ٹوبہ ٹیک سنگھ + شیخوپورہ + فیروزوالا (نمائندہ خصوصی+ نامہ نگاران) فیروزوالا میں نجی سکول کے پرنسپل کے بیٹے نے 5 سالہ طالبہ کو زیادتی کا نشانہ بنا ڈالا، خون میں لت پت پھینک کرفرار ہو گیا، فیصل آباد میں پراپرٹی ڈیلر کی ساتھیوں سمیت خاتون کو مکان دکھانے کے بہانے جبکہ شہری کی بیٹی اغوا کے بعد زیادتی کا نشانہ بنی۔ اوباشوں نے گھر میں دس سالہ لڑکی کو زیادتی کا نشانہ بنا ڈالا۔ جوہر کالونی کے پراپرٹی ڈیلر ارشد سے ملکہ نسرین نے مکان دلوانے کے لیے رجوع کیا اس نے اسے مکان دکھانے کا جھانسہ دے کر بلوا لیا نشہ آور مشروب پلا کر اپنے ساتھیوں اسرار اور منیر کے ہمراہ مل کر اجتماعی زیادتی کا نشانہ بنانے کے بعد بے ہوشی کی حالت میں نادر سنیما کے قریب پھینک گئے۔ بعد ازاں خاتون کو ہسپتال منتقل کیا گیا۔ پاکپتن کے H بلاک عبدالرزاق کی 14 سالہ بیٹی (ا) بی بی کو وقاص وغیرہ دو افراد اغوا کر کے لے گئے جنہوں نے لڑکی کو زیادتی کا نشانہ بنا دیا۔ لڑکی ملزمان کے چنگل سے فرار ہو کر گھر پہنچ گئی۔ٹوبہ ٹیک سنگھ سے نامہ نگار کے مطابق بااثر زمیندار اپنے ساتھیوں سمیت گن پوائنٹ پر ملازمہ کو زیادتی کا نشانہ بناتا رہا ،آسیہ صدیقہ نے پولیس کو درخواست دی کہ وہ اپنے بیٹوں اور بیٹیوں کے ہمراہ عبدالاحد سعید محمود وغیرہ کے ڈیرہ پر کام کرتے تھے، عدم موجودگی میں عبدالاحد اور سعید محمود نے دیگر دو ساتھیوں سے مل کر گن پوائنٹ پر اسکی بیٹی (ث) کو زیادتی کا نشانہ بنایا قتل و سنگین نتائج کی دھمکیاں دیکر اسے دو ماہ تک بلیک میل کرتے رہے ،موقع پاکر وہ اپنے بیٹوں اور بیٹیوں سمیت اپنے رشتہ دار وں کے پاس چک نمبر 152گ ب چلی گئی۔ وہ اور اسکا بیٹا تنخواہ لینے کیلئے زمیندار کے ڈیرہ پر گئے تو زمیندار اور اسکے ساتھیوں نے ماں بیٹے کو کمرے میں بند کرکے تشدد کا نشانہ بنایا۔ علاوہ ازیں چک نمبر 359 گ ب کے منظور احمد نے پولیس کو درخواست دی کہ محمد عمر بیٹھک کا دروازہ کھلا دیکھ کر اندر گھس گیا اور وہاں اس کے بیٹے کو زیادتی کا نشانہ بنایا۔ شیخوپورہ سے نمائندہ خصوصی اور فیروزوالا سے نامہ نگار کے مطابق جی ٹی روڈ کی آبادی رانا ٹائون میں نجی سکول کے مالک کے بیٹے نے سکول کی5 سالہ طالبہ سے زیادتی کے بعد بے ہوشی کی حالت میں سکول کے قریب خالی پلاٹ میں پھینک دیا۔ بچی کو طبی امداد کے لئے ہسپتال داخل کرا دیا۔ پولیس فیروزوالا نے ملزم ندیم کے خلاف مقدمہ درج کر لیا ہے۔