لاہور، فیروزوالا میں ڈاکے، چوریاں، شہری لاکھوں کے سامان سے محروم
لاہور + فیزوزوالا (نامہ نگاران) لاہور اور فیروزوالا کے مختلف علاقوں میںڈاکوئوں اور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ہے ۔ تفصیلات کے مطابق ڈاکوؤں نے ستوکتلہ واپڈا ٹائون میں خالد فرید کے گھر گھس کر اہلخانہ کو گن پوائنت پر یرغمال بنا کر36لاکھ روپے مالیت، اقبال ٹائون کے علاقے میںمدثر کے گھر سے 5لا کھ15ہزار روپے مالیت، ہڈیارہ کے علاقہ میںاسرارکے گھر سے 3لا کھ45 ہزار روپے مالیت، نواں کوٹ کے علاقہ میں سجاد کے گھر سے2 لاکھ 95 ہزار روپے مالیت، چوہنگ میں مجید کے گھر سے4لا کھ روپے مالیت کی نقدی، طلائی زیورات، موبائل فون اور دیگر سامان،گجرپورہ کے علاقہ شیر شاہ روڈ پر ایک کولڈ ڈرنک ایجنسی سے 13لاکھ روپے، شاہدرہ میں ذوالفقار اور اس کی فیملی سے3 لاکھ روپے مالیت، شادمان میںسہیل کی فیملی سے 2لاکھ روپے مالیت، ٹائون شپ میں زاہد اور اس کی فیملی سے ایک لاکھ روپے مالیت کی نقدی، طلائی زیورات اورموبائل فون، قلعہ گجر سنگھ بیڈن روڈ پر واقع یوتھ کونسلر ارشادکے دفتر سے 85ہزارروپے، ہیئر میں سعید سے 63ہزار روپے ، مغلپورہ میں علی کی دکان سے 60 ہزار روپے، جنوبی چھائونی میں نادرسے 40 ہزار روپے، اسلام پورہ میں زاہد سے 20 ہزار روپے اور موبائل فون ،کاہنہ میں عتیق،گڑھی شاہو میں آصف، لٹن روڈ میں ظہیر، لوئرمال میں سے اشفاق سے موٹر سائیکلیں، ہزاروں روپے نقدی اور موبائل فون لوٹ لئے ہیں۔ چوروں نے شاہدرہ میں سے علی، اسلام پورہ میں سے رفیق، شفیق آباد میں سے فر خ کی گاڑیاں جبکہ اسلام پورہ میں سے لطیف، ہیئر میں اشرف، فیکٹری ایریا میں الیاس، شا دبا غ میں مصو ر، مستی گیٹ میںشہبا ز، ماگرین ٹائون میں جاوید، جوہرٹائون میں ستار، اقبال ٹائون میںفرید، نواں کوٹ میں عرفان، مغلپورہ میں رحیم، لٹن روڈ میں سے حمزہ کی موٹرسائیکلیں چوری کر لی ہیں۔ چوروں نے بھاٹی چوک میں عثمان سیواتی کی اسلحہ کی دکان کی دیوار توڑ کر لاکھوں روپے مالیت کا اسلحہ و نقدی چوری کر لی ہے۔ کوٹ عبدالمالک میں ڈاکوئوں نے کار سوار خاتون کو روک کرلوٹ لیا۔ لاکھوں روپے مالیت کے زیورات اور نقدی چھین کرلے گئے۔ چوروں نے زمیندار عظمت علی کے ڈیرہ میں داخل ہو کر لاکھوں روپے مالیت کے مویشی سرقہ کرنے کے بعد فرار ہو گئے۔ ڈاکوئوں نے ارسلان اور اسکے ساتھی کو روک کر لوٹ لیا۔ نقدی دیگرسامان چھین کرلے گئے۔ شاہدرہ میں ڈاکوئوں نے سٹور کے مالک ندیم احمد کو جان سے مار دینے کی دھمکی دے کر ڈیڑھ لاکھروپے کی رقم چھین کرفرار ہو گئے۔
