ہری پور (صباح نیوز) چیئرمین تحریک انصاف عمران کی سابق اہلیہ ریحام خان نے کہا ہے کہ ہری پور اور مانسہرہ سے الیکشن میں حصہ لے سکتی ہوں سخت عوامی دبائو کا شکار ہوں عوام کی محبت مجھے الیکشن میں حصہ لینے پر مجبور کر رہی ہے مگر ابھی اتک حتمی فیصلہ نہیںکیا ہے۔ انہوں نے کہا کہ اگر الیکشن میں حصہ لیا تو کسی جماعت کے ٹکٹ پر الیکشن نہیں لڑوں گی بلکہ آزاد حیثیت سے الیکشن میں مقابلہ کروں گی۔ ہزارہ میرا اپنا علاقہ ہے، ہری پور پنیاں میری ننھیال کا علاقہ ہے۔ میں، میری والدہ اور نانی اس علاقہ سے ہیں، اس وجہ سے یہاں کی عوام مجھ سے بے پناہ محبت کرتے ہیں۔ انکے خلوص اور محبت ہی کی وجہ سے آج بھی اس علاقوں کے عوام کے ساتھ کھڑی ہوں۔ ریحام خان نے ہری پور کے علاقہ پنیاں کے دورہ ہری پور اپنی پنیاں کے مقام پر گندم کٹائی کا افتتاح کردیا۔ ہمارے معاشرے کی عورتوں کو مردوں کے مدمقابل کام کرنا ہوگا۔ عورت کو اب غلام بنا کر نہیں رکھنا چاہئے۔ جو قومیں عورت کی عزت کرنا جانتی ہیں وہ کبھی ذہنی غلامی کا شکار نہیں ہوتی ہیں۔