چکدرہ( نامہ نگار ) تحصیل ادنیزائی کے علاقہ اسبنڑںدیر لوئر میںمیں ٹریفک کے المناک حادثہ میں اٹھ افراد جاں بحق ‘ دس افرادزخمی ہو گئے ہیں،تفصیلات کے مطابق گزشتہ روز اسبنڑدیرلوئر میں شوڑشنگ سے اسبنڑں بازار جانے والی بدقسمت ڈاٹسن نمبر پی ڈبلیوآرسی اوی شاہ کے مقام پر تیز رفتاری کے باعث ڈرائیور سے بے قابوہونے کے باعث ندی میں جاگری جس کے نتیجے میں گاﺅں سخاﺅن کے عمران ،عثمان جبکہ چچازادبھائی بخت محمد اور حضرت عثمان،گاﺅں شوڑشنگ کے رحیم دا،سلیمان اور مانڑئی کے نوشیرجاں بحق ہوگئے۔جاں بحق افرد مزدور بتائے جاتے ہیں۔ جبکہ اٹھ افرادجن میں زیمور، اجمل ، شیر باز،شاہ زیب، حیدر ،سلیمان،مسماة انورپرستہ اور بفل ہلال زخمی ہوگئے ،زخمیوں کو فوری طورپر تحصیل ہیڈکوارٹر ہسپتال چکدرہ ،سول ہیڈکوارٹر ہسپتال بٹ خیلہ اور لیڈی ریڈنگ ہسپتال پشاور پہنچایاگیا، واقعہ کی اطلاع ملتے ہی تحصیل ہیڈکوارٹر ہسپتال چکدرہ میں ایمرجنسی صرتحال نافذکردی گئی الخد مت فاونڈیشن اور قومی وطن پارٹی کے کا رکنوں ساتھ اسسٹنٹ کمشنر شاہ جمیل خان اور ایم ایس ڈاکٹر بصیرکی نگرانی میں جاں بحق افراد کی میتوںکو ان کے علاقوں کوروانہ کرکے مریضوں کو بروقت طبی امداد فراہم کی گئی۔