دبئی (نوائے وقت رپورٹ) بختاور بھٹو نے دبئی میں پاکستانی نژاد برطانوی باکسر عامر خان کے ساتھ باکسنگ کی ٹریننگ کی۔ بختاور بھٹو نے باکسنگ کے خوب جوہر دکھائے۔ بختاور بھٹو سے ملاقات میں باکسر عامر خان کی اہلیہ بھی موجود تھیں۔ آصفہ بھٹو اور بختاور بھٹو نے عامر خان اور ان کی اہلیہ کو بے نظیر بھٹو کی کتاب بھی تحفہ دی۔آئی این پی کے مطابق سابق صدر اور پیپلزپارٹی کے شریک چیئرمین آصف علی زرداری کی بڑی بیٹی بختاور بھٹو زرداری سوشل میڈیا پر کافی متحرک ہیں اور اب انہوں نے ایک ویڈیو شیئر کی ہے جو وائرل ہوگئی ہے۔ انسٹاگرام پر ویڈیو میں وہ باکسنگ کی تربیت حاصل کررہی ہیں۔ خاص بات یہ ہے بختاور کو باکسنگ سیکھانے والا کوئی اور نہیں بلکہ معروف پاکستانی نژاد برطانوی باکسر عامر خان ہیں۔انہوں نے لکھا 'جب عامر خان میری کوچنگ کررہے تھے'۔اسی طرح ایک اور ویڈیو میں انہوں نے لکھا ' جب آپ کا کوچ ایک چیمپئن ہو۔