لاہور(نمائندہ سپورٹس+ سپورٹس رپورٹر) پاکستان رگبی یونین کے زیراہتمام گیٹ ان ٹو رگبی پروگرام کے تحت پروگرام کا آغاز، پہلے روز 25 سے زائد بچوں نے شرکت کی۔ تفصیلات کے مطابق پاکستان رگبی یونین نے رگبی کو گراس روٹ لیول پر فروغ دینے کیلئے ہفتے میں تین بار منی رگبی پروگرام کا آغاز کیا ہے جو پاکستان رگبی اکیڈمی نزد ایئرپورٹ لاہور کینٹ کی گرائونڈز پر ہوگا۔ منی رگبی ٹریننگ کیمپ میں لاہور بھر سے بچے شریک ہیں جنہیں پاکستان رگبی یونین کے ہیڈ کوچ شکیل احمد ملک تربیت دے رہے ہیں۔