لاہور(سپورٹس رپورٹر) پاکستان کرکٹ بورڈ کے زیر اہتمام نیشنل کرکٹ اکیڈمی لاہور میں آل راونڈرز کی کھوج کے لیے لگایا جانے والا تربیتی کیمپ شروع ہو گیا جو دو ہفتے تک جاری رہے گا۔ نیشنل کرکٹ اکیڈمی کے کوچنگ سٹاف کو اس بات کی ہدایت کی گئی ہے کہ وہ کیمپ میں بلائے جانے والے نوجوان کھلاڑیوں سے مستقبل کے عبدالرزاق اور اظہر محمود تلاش کریں۔ قومی کھلاڑیوں کا کہنا کہ تکنیکی صلاحیتوں میں نکھار اور قومی کرکٹ ٹیم میں واپسی کیلئے کیمپ کا انعقاد بہترین اقدام ہے۔