لاہور (نامہ نگار) مصری شاہ میں لوہے کے گودام میں سلنڈر دھماکے سے تین افراد زخمی جبکہ داروغہ والا کے قریب سکریپ کے گودام میں آتشزدگی کے باعث لاکھوں روپے مالیت کا سامان جل کرتباہ ہو گیا ہے۔ تفصیلات کے مطابق مصری شاہ کے علاقہ تاج پورہ میںلوہے کے گودام میں لوہا کاٹنے کے لئے مشین کے نیچے لگا گیس سلنڈرزوار دار دھماکے سے پھٹ گیا اور آگ بھرک اٹھی ۔جس کی زد میں آکر تین مزدور زخمی ہو گئے ہیں ۔دھماکے کی زوردار آواز سے علاقے میں خوف وہراس پھیل گیا۔ پولیس اور امدادی ٹیمیں موقع پر پہنچ کر زخمیوں کو طبی امداد کے لئے ہسپتال منتقل کر دیا۔ آگ پر قابو پالیا ہے۔پولیس نے گودام کو سیل کر دیا ہے ۔علاوہ ازیں گزشتہ روز داروغہ والا کے قریب سکریپ کے گودا م میں شارٹ سرکٹ کے باعث آگ بھڑک اٹھی ۔جس نے دیکھتے ہی دیکھتے پورے گودام کو اپنی لپیٹ میں لے لیا۔ لاکھوں روپے مالیت کا سامان جل کرتباہ ہو گیا۔ اطلاع ملنے پر امدادی ٹیموں نے موقع پرپہنچ کر ایک گھنٹے کی جدوجہد کے بعد آگ پر قابو پالیا ہے۔