سرگودھا( نامہ نگار) تحریک انصاف کے سر گودھا میں ہونے والے جلسہ کے دوران بد نظمی، با اثر افراد پریس گیلری سے سٹیج پر چڑھ گئے۔ زبردستی سٹیج پر چڑھنے کی کوشش میں سیڑھی الٹنے سے ایک کارکن زخمی ، بھگدڑ مچ گئی۔ سٹیڈیم روڈ سے تعلق رکھنے والا کارکن وقار و دیگر افراد کی قیادت کر رہا تھا جس کو فوٹو گرافر نے روکا تو وہ اس کے ساتھ بھی الجھنے لگا، میڈیا سے تعلق رکھنے والے افراد کے روکنے پر تلخ کلامی کا رد عمل سامنے آیا۔جلسہ میں شارٹ سرکٹ کی وجہ سے آگ لگ گئی ۔ سپورٹس سٹیڈیم کی سپلائی بند کر کے آگ پر قابو پا یا گیا، سٹیڈیم کی لائٹیں بند ہونے سے شور مچ گیا ، کارکن ادھر ادھر بھاگ اٹھے۔
جلسہ/ بدنظمی