منکیرہ،سیالکوٹ، ہارون آباد، وہاڑی(نامہ نگاران) مختلف واقعات میں 2 شادی شدہ خواتین سمیت 3 افراد نے زندگی ختم کرلی۔ منکیرہ کے نواحی علاقہ کو روبمب کے دو بچوں کے باپ اللہ دتہ موچی نے غربت سے تنگ آکر گلے میں پھندا ڈال کر زندگی کا خاتمہ کرلیا۔ سیالکوٹ میں قصبہ کمانوالہ کی شادی شدہ خاتون الفت بی بی نے حالات سے دلبرداشتہ ہوکر زہریلی گولیاں کھالیں جبکہ ہارون آباد میں 35 سالہ نعمان مسیح نے گھریلو جھگڑوں سے دلبرداشتہ ہوکر گلے میں پھندا ڈال کر خودکشی کرلی۔وہاڑی کے چک 20 پل میں خاتون خان بی بی کا اپنے خاوند سے جھگڑا ہوا جس سے دلبرداشتہ ہو کر اس نے زہریلا سپرے پی کر زندگی ختم کرلی۔