پنڈی بھٹیاں، سرگودہا (نامہ نگاران) ٹریفک حادثات میں نوبیاہتا جوڑا اور ایک ہی خاندان کے 4 افراد جاں بحق ہوگئے۔ پنڈی بھٹیاں لاہور روڈ پر دو موٹر سائیکل آپس میں ٹکرا گئے جس کے نتیجے میں موٹر سائیکل سوار میاں بیوی عمران اور سلمیٰ کو پیچھے سے آنے والے ٹرک نے کچل دیا جس وہ موقع پر جاں بحق ہوگئے۔ دیگر 2 موٹر سائیکل سوار افراد شدید زخمی ہوگئے۔ عمران اور سلمیٰ کی 10 روز قبل ہی شادی ہوئی تھی اور وہ دعوت کھانے کوٹ بیلے سے سکھیکی جا رہے تھے۔ دریں اثنا انکے ورثا نے پنڈی بھٹیاں لاہور روڈ بلاک کر کے احتجاج بھی کیا۔ مزید برآں سرگودہا میں تیز رفتار کار کی ٹکر سے موٹر سائیکل سوار ایک ہی خاندان کے 4افراد جاں بحق ہوگئے۔ مرنے والوں میں 2خواتین اور 1ڈیڑھ سالہ بچی بھی شامل ہے۔ چک نمبر 20کا شاکر گھر کی 2خواتین ثمینہ، زرینہ اور ڈیڑھ سالہ زرنش کے ہمراہ جارہا تھا کہ پل نمبر 111کے قریب تیز رفتار کار کی زد میں آگیا۔