کراچی(کرائم رپورٹر) رینجرز نے آٹھ ملزمان کو گرفتار کر کے اسلحہ ایمونیشن، لوٹا ہوا سامان اور منشیات برآمد کرلی۔ رینجرز کے ترجمان کے مطابق بغدادی کے علاقے سے پانچ ملزمان ولید‘ محمد حنیف عرف انو‘ شہزاد‘ محمد زبیر اور یوسف کو گرفتار کیا گیا جن کا تعلق لیاری گینگ وار بلوچ لبریشن گروپ سے ہے اور وہ ٹارگٹ کلنگ ‘ بھتہ خوری ‘ فائرنگ‘ ڈکیتی اور اسٹریٹ کرائم سمیت سنگین جرائم میں ملوث ہیں اس کے علاوہ سعود آباد اور فیروز آباد سے تین منشیات فروشوں رفیق خان‘ شاہد اقبال اور یوسف خان کی گرفتاری عمل میں لائی گئی گرفتار ملزمان کے قبضے سے اسلحہ ایمونیشن لوٹا ہوا سامان اور منشیات برآمد کرلی گئی ہے۔