لاہور+فیروزوالا(نامہ نگاران) شہر کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیاہے ۔ ڈاکوؤںنے نواب ٹائون میںرزاق کے اہل خانہ کو گن پوائنٹ پر یرغمال بنا کر10لاکھ ما لیت ، جنوبی چھائونی میں ریحان کے گھر سے 8لاکھ مالیت ، اقبال ٹائون میں اوصاف کے گھر سے ساڑھے 6لاکھ مالیت کی نقدی، طلائی زیورات،موبائل فون اور دیگر سامان، وحدت کالونی میں رمیض سے 4لاکھ ، ساندہ میں رشیدسے ایک لاکھ ،اسلام پو رہ میںا عظم سے 85ہزاراور موبائل فون،لٹن روڈ میںا ظہر سے 85ہزار، جوہرٹائون میں اسلم سے 40ہزار اور موبائل فون، قصور پورہ میں نوائے وقت کمپیوٹر سیکشن کے کارکن محمد عرفان صدیقی سے موبائل فون اور بٹوہ لوٹ لیا ۔ بٹوے میں 5ہزار روپے نقدی ،اے ٹی ایم کارڈ،شناختی کارڈاوردفتر کا کارڈ تھا ۔چوروں نے ستوکتلہ سے صفدر ،چوہنگ سے منیر کی کاریں جبکہ پرانی انارکلی میںسے شہزاد گجر پورہ میں سے اسجد،شاد باغ میں سے سرفراز،فیکٹری ایریا میںسے وقاص ،باغبانپورہ میںسے عمران،ملت پارک سے منور کی موٹر سائیکلیں چوری کر لی ہیں۔جی ٹی روڈ کی آبادی رچنا ٹائون کے قریب ڈاکوئوں نے گن پوائنٹ پر موٹرسائیکل سوار اسمعٰیل کو روک کر لوٹ لیا۔ ڈاکو موٹرسائیکل اور 31 ہزار روپے کی رقم، موبائل چھین کر فرار ہوگئے۔ ڈاکوئوں نے زمیندار منظور احمد کے اہل خانہ کو یرغمال بناکر دو لاکھ روپے نقد اور لاکھوں روپے مالیت کے زیورات، دیگر سامان لوٹ کر لے گئے۔ ڈاکوئوں نے موبائل سنٹر کے مالک توصیف علی سے نقدی، موبائل دیگر سمیں چھین کر لے گئے۔ شاہدرہ میں ڈاکوئوں نے گھر لوٹ لیا نقدی و دیگر سامان چھین کر فرار ہوگئے۔