لاہور،فیروزوالا(نامہ نگاران)ٹریفک حادثات میں تین نوجوان جاں بحق اور 17زخمی ہوگئے ۔کاہنہ میں آلو والا گائوں کا رہائشی محمد اسحاق موٹر سائیکل پر اپنے ہمراہ جارہاتھا کہ اس دوران تیزرفتار ٹریکٹر ٹرالی نے ٹکر ماردی ۔اسحاق ہسپتال میں دم توڑ گیا۔دریں اثنا ء جی ٹی روڈ پر ٹریفک حادثات میں دو افراد جاں بحق اور 4 نوجوان زخمی ہوگئے۔ بتایا گیا ہے کہ جی ٹی روڈ کی آبادی لدھیکے میں تیز رفتار گاڑی نے ٹکر مار کر سڑک عبور کرنے والے نوجوان افتخار احمد کو روند ڈالا جو موقع پر جاں بحق ہوگیا۔ تیز رفتار ٹرک نے موٹرسائیکل سوار نوجوان چاند کو روند ڈالا جو ہسپتال میں دم توڑ گیا۔ جی ٹی روڈ پر حادثات میں عدنان ، رضوان، ممتاز بی بی اور انیس زخمی ہوگئے۔کالا خطائی روڈ کی آبادی بابووال کے قریب ٹرک، کیری ڈبہ اور ویگن کے درمیان تصادم میں بارہ افراد زخمی ہوگئے حادثے کے بعد ٹریفک کا نظام جام ہو کر رہ گیا۔