رمضان المبارک سے قبل چینی کی قیمتوں میں اضافہ، 70 روپے فی کلو ہو گئی
(آن لائن) رمضان المبارک کی آمد سے قبل ملک بھر میں سفید چینی کی قیمتوں میں اضافہ ہو گیا ہے۔ پرچون مارکیٹ میں چینی فی کلو 70 روپے سے زائد پر فروخت ہو رہی ہے جبکہ تھوک مارکیٹ میں بھی چینی کی قیمت میں اضافہ دیکھا جا رہا ہے تاہم یوٹیلٹی سٹورز پر چینی کی قیمت مستحکم ہے ۔نواز شریف حکومت نے گزشتہ دو سالوں میں 10 ملین میٹرک ٹن سے زائد چینی برآمد کرنے کی اجازت دینے کے علاوہ سبسڈی کی صورت میں قومی خزانہ سے 8 ارب روپے بھی ادا کر دیئے ہیں۔
