ٹوکیو(صباح نیوز)جاپان کا فوجی طیارہ جس پر عملے کے چار ارکان سوار تھے پیر کی صبح لاپتہ ہو گیا۔جاپانی وزارت دفاع کے حکام کے مطابق ایل آر۔2 نامی فوجی طیارہ شمالی جزیرے ہوکیڈو کے ہیکوڈیٹ ایئر پورٹ سے پرواز کے تھوڑی دیر بعد ریڈار سے غائب ہو گیا ۔حکام کے مطابق دوفوجی ہوائی جہاز اور چار ہیلی کاپٹر لاپتہ طیارے کو تلاش کرنے کے لئے روانہ کر دیئے گئے ہیں۔یہ طیارہ جزیرہ ہوکیڈو کے گورنر کی درخواست پر جزیرہ کے صدر مقام سیپورو سے ایک مریض کو لانے کے لئے بھیجا گیا تھا۔حکام کے مطابق طیارے کا روٹ پہاڑی علاقے کے اوپر تھا اور اس کی پرواز کے وقت موسم بھی خراب تھا۔