کراچی (آن لائن)منگھوپیرمیں مدینة الحکمت کے قریب دہشت گردوںکی کارروائی سوئی گیس کی 16انچ قطرکی پائپ لائن دھماکے سے اڑادی۔ واقعے میںکوئی جانی نقصان نہیں ہواتاہم گیس لائن کی تباہی سے منگھوپیراورنگی ٹاﺅن ،بنارس نیوکراچی ،اورملحقہ علاقوںکوگیس کی فراہمی معطل ہوکررہ گئی۔ تفصیلات کے مطابق بدھ اورجمعرات کی درمیانی شب منگھوپیرکے علاقے میں نامعلوم دہشت گردوںنے تخریبی کارروائی کرکے گیس لائن دھماکے سے اڑادی، جس کے فوری بعد پولیس اوررینجرزموقع پرپہنچ گئی اوربم ڈسپوزل سکواڈکوطلب کرلیا۔ اس سلسلے میں بم ڈسپوزل حکام کاکہناتھاکہ گیس لائن میںہونے والادھماکہ آئی ای ڈی ڈیوائس کے ذریعے کیاگیا،جس میں500سے 600گرام بارودی مواداستعمال کیاگیا۔ بم دھماکااتناشدیدتھاکہ اس کے نتیجے میں گیس لائن 16انچ سے زیادہ متاثرہوئی ۔ دھماکہ کے باعث منگھوپیر،اورنگی ٹاﺅن ،بنارس ،نیوکراچی اوراطراف کے علاقوںمیں گیس کی فراہمی معطل ہوگئی۔ بم ڈسپوزل ذرائع کاکہناہے کہ حملہ اپنی طرز کاتیسراواقعہ ہے۔ سوئی گیس حکام کے مطابق گیس پائپ لائن کی مرمت کاکام جاری ہے۔
گیس پائپ