لاہور(سپورٹس رپورٹر+ نمائندہ سپورٹس) پاکستان کرکٹ ٹیم مینجمنٹ نے فاسٹ باؤلر محمد عباس کو آئی سی سی چیمپئنز ٹرافی سے قبل قومی ٹیم کے لگنے والے تربیتی کیمپ میں طلب کر لیا ہے۔ محمد عباس دورہ ویسٹ انڈیز کے بعد انگلینڈ میں ہی موجود تھے آج کیمپ میں ٹیم کو جوائن کرینگے۔پی سی بی کی جانب سے جاری ہونے والے اعلامئے میں کہا گیا ہے کہ محمد عباس کو کیمپ میں انگلینڈ کنڈیشن میں سفید بال کے استعمال کی تربیت فراہم کرنے کے لئے طلب کیا گیا ہے۔