بختاور بھٹو باکسنگ سیکھتی ہے،سیاست میں آنے کا ارادہ نہیں: عامر خان
نارووال(نامہ نگار)پاکستانی نژاد برطانوی باکسر عامر خان نے کہا ہے کہ میرا سیاست میں آنے کا کوئی پروگرام نہیں مگر انسانیت کی خدمت کر تا رہونگا۔پاکستان میں عامر فاؤنڈیشن کے زیر اہتمام فلاح و بہبود کے مختلف منصوبہ جات پر کام کا آغاز کر دیا ہے اورجلد مزید پروگرام ترتیب دیئے جائیں گے۔یہ بات انہوں نے گلو کار ابرار الحق کی دعوت پر صغریٰ شفیع ہسپتال اور سہارا میڈکل کالج کے دورہ کے موقع پر گفتگو کرتے ہوئے کی۔ عامر خان نے کہا کہ میںابھی مزید پانچ سات سال تک کھیلوں گا۔ ملک کا نام روشن کرنے اور پاکستان کی خدمت کرنے کا جذبہ رکھتا ہوں۔ پاکستان میرا اپنا گھر ہے یہاں آکر خوشی ملتی ہے ا۔سابق صدر زرداری کی بیٹیوں سے میری بیوی کی دوستی ہے اور انہوں نے باکسنگ سیکھنے کی خواہش کا اظہار کیا تو اانہیں باکسنگ سکھائی۔ ابرار الحق کے ساتھ ملکر فلاحی شعبہ میں مزید خدمات سر انجام دیںگے۔ ابرار الحق نے عامر خان کا نارووال آنے پر شکریہ ادا کیا اور تعاون کا یقین دلوایا۔
