لاہور، نوشہرہ (نمائندگان+ نوائے وقت رپورٹ) گھریلو جھگڑوں، غربت اور نامعلوم وجوہات پر دو سگی بہنوں سمیت 8 افراد نے خودکشی کرلی۔ حافظ آباد کے نواحی گاﺅں کڑیالہ میں نوجوان صہیب نے ذہنی پریشانیوں سے دلبرداشتہ ہو کر اپنی کنپٹی پر گولی مار لی جبکہ نوشہرہ کے علاقے اضاخیل بالا میں دو بہنوں نے مبینہ طور پر زہر نگل کر خودکشی کرلی۔ نعشیں خیبر میڈیکل یونیورسٹی منتقل کردی گئیں۔ فیصل آباد میں 28 سالہ عبداللہ نے گزشتہ روز گھر میں ہونے والے جھگڑے سے تنگ آکر خود کو کمرے میں بند کرکے کنپٹی پر گولی مارلی۔ چیچہ وطنی 26 سالہ مظہر حسین نے گھریلو حالات سے تنگ آکر پھندا لیکر خودکشی کرلی۔ منڈی بہاﺅ الدین نوجوان وقاص نے خود کو گولی مار کر خودکشی کرلی۔ سیالکوٹ میں 17 سالہ چرواہے رمضان عرف کاکا نے غربت سے تنگ آکر درخت سے رسی ڈال کر پھندا لیکر زندگی ختم کرلی۔
خودکشیاں