لاہور(سپورٹس رپورٹر )وزیراعظم میاں نواز شریف نے چیئرمین پی سی بی کیلئے 2 بینکرز کے ناموںکو فائنل کرلیا ہے۔ موجودہ چیئرمین شہریار خان کی ریٹائرمنٹ کے بعد پی سی بی کی چیئرمین شپ کے لئے سابق گورنر سٹیٹ بینک ارشد محمود وتھرا اور طلعت محمود مضبوط امیدوار ہیں۔یاد رہے کہ چیئرمین شہریار خان اگست کے مہینے میں اپنے عہدے سے ریٹائر ہورہے ہیں اور اس کے ساتھ ہی ان کا تین سالہ دور ختم ہوجائے گا۔امکان ظاہر کیا جارہا تھا کہ نجم سیٹھی کو بھی چیئرمین پی سی بی بنائے جانے کا امکان ہے ۔