کامونکے: تیز رفتار مزدا کی ٹکر، موٹر سائیکل سوار 2 نوجوان جاں بحق، میاں بیوی زخمی
کامونکے + ایمن آباد (نامہ نگار) تیز رفتار لوڈر مزدا نے 2 نوعمر موٹر سائیکل سوار جوانوں کو کچل ڈالا، دونوں جاں بحق ہوگئے۔ مزدا سوار میاں بیوی زخمی ہوگئے۔ گذشتہ روزکاہنہ لاہور کا 16 سالہ عمران ظفر راجپوت اپنے ہم عمر پھوپھی زاد بھائی عمیراشرف کے ہمراہ موٹر سائیکل پر دیوان روڈ پر سیالکوٹ جا رہے تھے کہ گوردوارہ روڑی صاحب کے قریب سامنے آنے والے لوڈر مزدا نمبرGAC/2295 نے ٹکر مارتے ہوئے بری طرح کچل دیا جس کے نتیجہ میں عمران اور عمیر ٹکڑے ہوکر موقع پر ہی دم توڑ گئے۔ حادثہ کے دوران مزدا بھی اُلٹنے سے اُس میں سوار محمد امجد اپنی بیوی شبنم بی بی کے ہمراہ شدید زخمی ہوگیا۔ ایمن آباد پولیس نے دونوں لڑکوں کی نعشوں کو ہسپتال منتقل کرکے اُنکے لواحقین کو اطلاع کردی۔
