پشاور (این این آئی) وزیراعظم کے مشیر و پاکستان مسلم لیگ (ن)کے صوبائی صدر انجینئر امیر مقام کہاہے کہ عمران خان خوابوں کی دُنیا سے نکل کر حقیقی دُنیا میں آ جائیں، وزرات عظمیٰ خوابوںاوردھرنوںکی نہیںکارکردگی کی بدولت ملتی ہے، ہریپور کے غیور عوام نے ایک بار پھر بلے کو توڑ کر شیر پر اعتماد کا اظہار کیا ہے ہم ہری پور کے عوام کے شکر گزار ہیں جنہوں نے مسلم لیگ (ن) پر اعتماد کیا، وہ ہری پور میں جلسہ سے خطاب کر رہے تھے۔ اس موقع پر ڈپٹی اسپیکر قومی اسمبلی مرتضیٰ جاوید عباسی، مسلم لیگ (ن) کے سینئرنائب صدر پیر صابر شاہ، سابق صوبائی وزیر قاضی اسد، ممبر قومی اسمبلی بابر نواز اور ممبر صوبائی اسمبلی گوہر نواز نے بھی خطاب کیا۔ جلسہ سے خطاب کرتے ہوئے امیر مقام کا کہنا تھا کہ ضمنی انتخابات میں پی ٹی آئی کو 50 ہزار سے شکست دینے پربابر نواز کو مبارکباد پیش کرتے ہیں۔