کراچی، ایم کیو ایم کے 5 ٹارگٹ کلرز سمیت 9 ملزم گرفتار
کراچی (نوائے وقت رپورٹ) رینجرز نے کراچی کے مختلف علاقوں میں کارروائیوں میں 9 ملزمان گرفتار کر لئے ترجمان رینجرز کے مطابق مبینہ ٹائون، سرجانی اور خواجہ اجمیر نگری سے 5 ملزمان گرفتار کر لئے پانچوں ملزمان کا تعلق سیاسی جماعت کے عسکری ونگ سے ہے، جنید خان، شیر محمد اور جہانزیب چھوٹے کا تعلق ایم کیو ایم لندن اور اکرم، اختر علی عرف پہاڑی کا تعلق ایم کیو ایم پاکستان سے ہے، ملزمان ٹارگٹ کلنگ، بھتہ خوری سمیت دیگر سنگین جرائم میں ملوث ہیں، مبینہ ٹائون سے ڈکیتی کی وارداتوں میں ملوث تین ملزمان گرفتار کر لئے قائد آباد سے منشیات فروش گرفتار کر لیا۔
