ملتان (آئی این پی) سابق وزیراعظم سیدیوسف رضا گیلانی نے انکشاف کیا ہے کہ میرے والد کی خواہش تھی کہ میں ڈاکٹربنوں یا سی ایس ایس کروں لیکن میں ڈاکٹر نہیں بننا چاہتا تھا۔ پنجاب یونیورسٹی سے میں نے جرنلزم میں ماسٹر کی ڈگری حاصل کی۔بہت عرصے بعد جب میں وزیراعظم بنا تو مجھے استنبول کی یونیورسٹی سے جرنلزم میں ڈاکٹریٹ کی اعزازی ڈگری ملی،فوٹو جرنلسٹ ایسوسی ایشن ملتان کی تیسویں سالگرہ کی تقریب سے خطاب کرتے ہوئے سابق وزیراعظم کا کہنا تھا کہ مجھے فخر ہے کہ میں صحافی برادری سے ہی ہوں۔ پیپلزپارٹی آزادی صحافت پریقین رکھتی ہے،ہمیشہ صحافت سے متعلق کالے قوانین کی مخالفت کی۔