شیخوپورہ: ٹریفک حادثات میں موٹر سائیکل سوار 5 افراد جاں بحق ، 2 زخمی
شیخوپورہ (نمائندہ خصوصی) ٹریفک کے مختلف حادثات میں 5 افراد جاں بحق 2 زخمی ہوگئے۔ بائی پاس فیصل آباد کے قریب داموآنہ چوک میں تیزرفتار آئل ٹینکر نے موٹر سائیکل سواردو افراد کو ٹکر مار دی جس کے نتیجے میں ماجد شعیب اور غلام احمد جاں بحق جبکہ انکے ساتھ ایک بچے کی ٹانگ ٹوٹ گئی۔ جوئیانوالہ روڈ چیچو کی ملیاں ریلوے پھاٹک کے قریب دو تیزرفتار موٹر سائیکلیں آپس میں ٹکرا گئیں جس کے نتیجہ میں تین نوجوان جاں بحق جبکہ انکا ساتھی شدید زخمی ہوگیا۔ مزمل، دلاور وغیرہ چار افراد دو موٹر سائیکلوں پر جا رہے تھے کہ تیزرفتاری کے باعث ریلوے پھاٹک چیچو کی ملیاں کے قریب آپس میں ٹکرا گئے جس سے جوئیانوالہ شعیب ٹائون کا مزمل، لودھراں سے فیکٹری میں مزدوری کیلئے آیا ہوا دلاور اور اسکا ساتھی موقع پر ہی جاں بحق ہوگئے جبکہ انکا چوتھا ساتھی ارسلان شدید زخمی ہوگیا۔
