نارنگ منڈی: اندھا دھند فائرنگ سے خاتون اور راہگیر قتل، دو افراد شدید زخمی
نارنگ منڈی (نامہ نگار) محلہ فیروز آباد میں شادی شدہ خاتون ثوبیہ شہزادی کو شاہدرہ کے علاقہ چوک بیگم کوٹ کے قریب سفاک ملزم مقصود نے اندھادھند فائرنگ کرکے قتل کردیا جبکہ ملزم کی وحشیانہ فائرنگ سے ایک راہگیر بھی مارا گیا اور دو افراد شدید زخمی ہوگئے۔ مقتولہ ثوبیہ شہزادی محکمہ صحت میں ایل ایچ وی تھی اور ڈیوٹی میں جانے کیلئے اپنی کارمیں سوار ہونے لگی تو ملزم نے اچانک فائرنگ شروع کردی جس کے نتیجہ میں ثوبیہ شہزادی موقع پر دم توڑ جبکہ ملزم کی وحشیانہ فائرنگ سے ایک راہگیر بھی ہلاک ہوگیا اور دو افراد شدیدزخمی ہوگئے۔ واقعہ پر پورے علاقہ میں خوف وہراس پھیل گیا ۔
