گوجرانوالہ: شارٹ سرکٹ سے ماڈل ٹاؤن ٹیلی فون ایکسچینج میں آگ لگ گئی، کوئی جانی نقصان نہ ہوا
گوجرانوالہ (نمائندہ خصوصی) شارٹ سرکٹ کے باعث ماڈل ٹائون ٹیلی فون ایکسچینج میں آگ لگ گئی، ریسکیو فائر فائٹرز نے طویل جدو جہد کے بعد آگ پر قابو پا لیا۔ تفصیلات کے مطابق ماڈل ٹائون میں واقع ٹیلی فون ایکسچینج میں اچانک آگ بھڑک اٹھی، دیکھتے ہی دیکھتے تیسری منزل کو لپیٹ میں لے لیا۔ واقعہ کی اطلاع ملنے پر ریسکیو کی فائر فائٹنگ ٹیمیں موقع پر پہنچ گئی، جنہوں نے آ گ پر قابو پا لیا، ریسکیو اہلکاروںکا کہنا تھا کہ آگ شارٹ سرکٹ کے باعث لگی ہے اور کوئی جانی نقصان نہیں ہوا۔
