لاہور (نامہ نگار) صوبائی دارالحکومت کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیاہے جبکہ قلعہ گجر سنگھ میں حاجی کیمپ کے قریب اے ٹی ایم سے پیسے نکلواکر جا نیو الے سی آئی اے کے کانسٹیبل کی ڈاکوئوں سے فائرنگ کے تبادلے میں ایک ڈاکو زخمی ہو گیا ہے ۔ تفصیلات کے مطابق قلعہ گجر سنگھ کے علاقہ میں سی آئی اے میں تعینا ت کانسٹیبل شہزاد حاجی کیمپ کے قریب اے ٹی ایم سے کیش نکلوا رہا تھا کہ اس دوران دو ڈاکوئوں نے اسے لوٹنے کی کوشش کی۔ جس پر شہزاد نے فائرنگ کردی جبکہ ڈاکوئوں نے بھی جوابی فائرنگ کی۔ شہزاد کی فائرنگ سے ایک ڈاکو زخمی ہو گیا جبکہ دوسرا موقع سے فرار ہو گیا۔ پولیس نے موقع پر پہنچ کر زخمی ڈاکو کو حراست میں لے کر تفتیش شروع کردی ہے۔ ڈاکوؤں نے شاہدرہ میں اعجاز کے اہلخانہ کو گن پوائنٹ پر یرغمال بنا کر 8 لاکھ ما لیت، بحریہ ٹائون میں محسن کے گھر سے 6 لاکھ مالیت، گارڈن ٹائون میں رضا کے گھر سے4لاکھ روپے مالیت، مناواں میں جمیل کے گھر سے3لاکھ مالیت کی نقدی، طلائی زیورات، موبائل فون اور دیگر سامان، جنوبی چھائونی میں مشتاق کی فیملی کو یرغمال بنا کر 3لاکھ مالیت، شیرکوٹ میں قلب عباس اور اس کی فیملی سے 2لاکھ 45 ہزار روپے مالیت کی نقدی، طلائی زیورات اور موبائل فون، اکبری منڈی میں شہباز سے3لا کھ اور موبائل فون، ہال روڈ پر موبائل شاپ سے 5لاکھ مالیت کی نقدی و موبائل فون ، لٹن روڈ میں سلیم کی دکان میں سے 3 لاکھ 55 ہزار، لٹن روڈ میں شکیل سے اڑھائی لاکھ، جوہرٹائون میں ذیشا ن سے ایک لاکھ 70ہزار، مصری شاہ میں فہیم سے ایک لاکھ 66ہزار، اسلام پورہ میں عرفان سے 78ہزار، باٹا پورہ میں اویس سے 71ہزار، اسلام پورہ میں زعیم سے 30ہزار اورموٹر سائیکل، وحدت کالونی میں وقاص سے 20ہزار اور موبائل فون لوٹ لیا ہے۔ چوروں نے جوہر ٹائون میں قمر الزمان کے گھر سے 35لاکھ مالیت کی نقدی، زیورات و دیگر سامان چوری کرلیا ہے۔ چوروں نے راوی روڈ میں فاروق، فیکٹری ایریا میں اختر، شادمان میں تبسم، شاہدرہ میں رضوان، ٹبی سٹی میں سے ارسلان کی گاڑیاں جبکہ شاہدرہ میں اصغر، جنوبی چھائونی میں کاشف، شالیمار میں اعجاز، پرانی انارکلی میں کامل، سول لائن میں شہزاد، اسلام پورہ میں احتشام، ٹبی سٹی میں سے صدیق کی موٹر سائیکلیں چوری کر لی ہیں۔