ملتان (کرائم رپورٹر) قتل یا خودکشی‘ تھانہ الپہ کے علاقہ میں خاتون تین بیٹیوں سمیت نہر میں ڈوب کر جاں بحق ہو گئی۔ خاتون اور دو بیٹیوں کی لاشیں مل گئیں جبکہ ایک بچی کی تلاش جاری ہے۔ جھوک وینس نزد پل کھادل کے رہائشی عرفان کی بیوی فوزیہ بی بی کے والدین کا گھر بستی کالے والا جھوک وینس میں ہے گزشتہ روز فوزیہ بی بی اپنی تین بیٹیوں 7 سالہ مہناز‘ 5 سالہ صبیحہ اور تین سالہ ربیعہ کو ساتھ لے کر والدین کے گھر جانے کے لئے نکلی تاہم کچھ دیر کے بعد بند بوسن کے قریب اس کی تین سالہ ربیعہ کے ساتھ لاش برآمد ہوئی جوکہ ریسکیو ٹیم نے نکال کر پولیس کے حوالے کر دی جبکہ گزشتہ شب اسی نہر سے ہیڈ نواب پور کے قریب 7 سالہ مہناز کی لاش بھی مل گئی جبکہ تیسری بچی 5 سالہ صبیحہ کے بارے میں معلوم نہیں ہو سکا۔ اس بارے پولیس کا کہنا ہے کہ خاتون نے تین بیٹیوں سمیت خودکشی کی ہے جبکہ اہل علاقہ اور خاتون فوزیہ بی بی کے والدین نے خاتون و بچیوں کو قتل کرنے کا شبہ ظاہر کیا ہے۔