فیروزوالا (نامہ نگار) مسلم لیگ (ن) کے رہنما اور رکن پنجاب اسمبلی پیر محمد اشرف رسول نے کہا ہے کہ شفافیت ہمارا طرہ امتیاز ہے۔ سی پیک سے خوشحالی کے نئے سفر کا آغاز ہوگا۔ توانائی منصوبے وقت سے پہلے مکمل ہو رہے ہیں۔ حکومت ترقیاتی و معاشی انقلاب کے روڈ میپ پر عمل پیرا ہے۔ ساری دنیا پاکستان کی مثبت پالیسیوں کی تعریف کر رہی ہے۔ان خیالات کا اظہار مسلم لیگ (ن) یوتھ ونگ تحصیل فیروزوالا کے زیر اہتمام رچنا ٹائون میں منعقد یوتھ ورکرز کنونشن سے خطاب کرتے ہوئے کیا۔ اس موقع پر مسلم لیگ (ن) تحصیل فیروزوالا کے صدر حاجی ظفر احمد مظفر، میاں مشتاق احمد، طارق محمود ڈار، یوتھ تحصیل صدر متین احمد بھلہ، حامد رضا شاہ اور دیگر ارکان نے خطاب کیا۔