اسلام آباد (خبر نگار خصو صی )پارلیمنٹ کے دونوں ایوانوں کے بجٹ اجلاس دو روز کے وقفہ کے بعد(کل ) پیر کو دوبارہ شروع ہونگے ، سینیٹ کے اجلاس دن 11 بجے چیئرمین میاں رضا ربانی کی صدارت میں ہو گا جب کہ قومی اسمبلی کا اجلاس سپیکر سردار ایاز صادق کی صدارت میں سہ پہر 4 بجے ہوگا ۔ اپوزیشن جماعتوں نے بجٹ اجلاس کا بائیکاٹ کر رکھا ہے ۔ بجٹ اجلاس کے حوالے سے حکومت کی طرف سے بھی اہم نوعیت کے فیصلے کر لیے گئے ہیں ۔ بجٹ پر بحث کے عمل کو تیز کر دیا جائے گا اور جلد از جلد سمیٹتے ہوئے بجٹ منظوری کا مرحلہ شروع ہو جائیگا ۔ منگل کو اپوزیشن جماعتوں کی عوامی اسمبلی لگے گی ۔ حکومتی مذاکراتی ٹیم نے بھی اپوزیشن سے ملاقات کا وقت مانگ لیا ہے ۔ وزراء پر مشتمل حکومتی کمیٹی اپوزیشن کے مشاورتی اجلاس کے بعد ملاقات کریگی ۔