کراچی سے خیبر تک مداحوں کی بڑی سکرینوں پر نظر، سینما گھر بھر گئے
لاہور ( نمائندہ سپورٹس ) پاکستان‘ بھارت میچ دیکھنے کیلئے شائقین کرکٹ نے خصوصی انتظامات کئے گئے۔ ملک کے مختلف بڑے شہروں میں کہیں بڑی بڑی سکرینیں لگیں تو کہیں سینما گھروں میں میچ دکھایا گیا‘لاہور ‘کوئٹہ ‘کراچی ‘پشاور‘اسلام آباد‘ملتان ‘فیصل آبادمیں بھی شائقین کرکٹ کی بڑی تعداد میچ دیکھنے کیلئے سینما گھر پہنچی اور خوب ہلاگلا کیا۔ پاکستان جیتے گا کے نعرے بھی لگائے۔ شائقین نے میچ کی پل پل کی بدلتی صورتحال پر بھرپور ردعمل کا اظہار کیا۔ شائقین خوب محظوظ ہوئے۔ ملک کے دیگر شہروں میں بھی کرکٹ فیور عروج پر رہا۔ ہر کسی نے بڑے مقابلے کو خوب انجوائے کیا۔
