سینٹ کٹس(سپورٹس ڈیسک ) ویسٹ انڈیز نے افغانستان کو دوسرے ٹی ٹونٹی میچ میں شکست دے کر تین میچوں کی سیریز میں دو صفر کی فیصلہ کن برتری حاصل کرلی ۔ بارش سے متاثرہ میچ میں ویسٹ انڈیز نے 15اوور ز میںتین وکٹوں پر 112رنز بنائے ۔ افغانستان کو 15اوورز میں 123رنز کا ہدف ملا مگر پوری ٹیم 13.3اوورز میں 93رنز پر ڈھیر ہو گئی ۔ 8کھلاڑی ڈبل فگر میں بھی داخل نہ ہوسکے ۔گلبدین نائب بارہ ‘کریم جنت بیس اورنجیب اللہ زدران گیارہ رنز بناکر نمایاں رہے ۔ ولیمز نے تین ‘براتھا ویٹ نے دو ‘بدری‘ٹیلر اور نارائن نے ایک ایک وکٹ حاصل کی ۔ ولیمز کو میچ کا بہترین کھلاڑی قرار دیا گیا ۔