خانقاہ ڈوگراں، شیخوپورہ (نامہ نگا ران)ریس لگاتے ڈمپر کی بریک فیل ہو گئی، ورکشاپ میں گھس کر کھڑی ویگن سے ٹکرا گیا۔ ڈرائیور اور کنڈکٹر موقع پر ہی جاں بحق ہو گئے۔ ورثاء نے کسی بھی کارروائی سے انکار کردیا۔ پولیس نے نعشیں ورثاء کے حوالے کر دیں۔ ڈمپروں کی ریس نے دو افراد کی جان لے لی۔ سرگودھا کے ڈرائیور احسان اور عاطف ڈمپر پر کرش لوڈ کر کے ریس لگاتے جا رہے تھے کہ زرعی بنک کے قریب ڈمپر کی بریک فیل ہو گئی اور وہ پاس ورکشاپ میں کھڑی ویگن سے ٹکرا گیا۔ ٹکر اتنی شدید تھی کی ڈمپر میں سوار دونوں افراد موقع پر ہی جاں بحق ہوگئے۔