کراچی‘ پول کے قریب دھماکہ‘ 3 ٹارگٹ کلر بھتہ خور ایک دہشت گرد گرفتار
کراچی (نوائے وقت رپورٹ) موچکو کراچی میں بجلی کے پول کے نیچے دھماکہ ہوا۔ دھماکہ سے جانی نقصان نہیں ہوا۔ بم ڈسپوزل سکواڈ طلب کرلیا گیا۔ نامعلوم افراد بارودی مواد رکھ کر فرار ہو گئے۔ دریں اثناء پولیس نے لانڈھی جیل کے قریب کارروائی کرکے کالعدم لشکر جھنگوی کے دہشت گرد اور دائود محسود کے ساتھی عبدالرحمان کو پکڑ لیا اسکے علاوہ اے ایس ایف کے سب انسپکٹر سے 10 لاکھ روپے بھتہ مانگنے والے عمیر اور شعیب کو حراست میں لیا گیا۔ اسی طرح اورنگی ٹائون سے ٹارگٹ کلر ساجد بونا گرفتار ہوا جبکہ عزیز آباد میں مور پارک کی سوریج لائن میں چھپائی گئی سب مشین گن اور 6 میگزین ایک لائٹ گن اور ہزاروں رائونڈ برآمد ہوئے۔
