لاہور (فیروز والا+ نامہ نگاران) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے باغبانپورہ میں منظور کے گھر گھس کر اہلخانہ کو گن پوائنٹ پر یرغمال بنا کر8لاکھ روپے مالیت،مسلم ٹائون کے شہباز کے گھر سے 7لاکھ روپے مالیت، ڈیفنس سی کے علاقہ میں عابدکے گھر سے 6لاکھ روپے مالیت، غالب مارکیٹ کے علاقہ میںغفار کے گھرسے 4لاکھ روپے مالیت، مناواں میں جاوید کے گھر سے 3لاکھ روپے مالیت کی نقدی، طلائی زیورات، موبائل فون اور دیگر سامان،جوہر ٹائون میں عاقل اور اس کی فیملی سے 8لاکھ روپے مالیت، بھاٹی گیٹ کے علاقہ میں میاں جہانگیر کی فیملی کو یرغمال بنا کر2لاکھ 60ہز اروپے مالیت، سبزہ زار میں اقبال اور اس کی فیملی سے 2لاکھ روپے مالیت کی نقدی، طلائی زیورات اور موبائل فون، ستوکتلہ میں مختار سے 5لاکھ 42ہزار روپے، ملت پارک کے علاقہ میں عثمان سے 3لاکھ روپے اور موبائل فون، رائیونڈ میں وزیرعلی سے 2لاکھ 60ہزار روپے، کوٹ لکھپت میں منظور سے ایک لاکھ 25ہزار روپے، مغلپورہ میں اسلم سے ایک لاکھ 5 ہزار روپے، گلبرگ میں ریحان سے 35ہزار روپے اور موبائل فون لوٹ لیا ہے۔ چوروں نے چوہنگ میں رمیض، گارڈن ٹائون سے واصف، لاری اڈا سے ابراہیم کی کاریں جبکہ شالیمار میں عثمان، ساندہ میں شاہد، سبزہ زار میں رمضان، گرین ٹائون میں امتیاز، سٹی رائیونڈ میں واجد، نواب ٹائون میں احسن، نصیر آباد میں اخلاق، بھاٹی گیٹ میں بلال، سول لائن میں خالق کی موٹرسائیکلیں چوری کر لی ہیں۔ شاہدرہ میں مسلسل ڈاکے اور چوریاں پر شہری سراپا احتجاج بن گئے۔ پولیس مقدمات درج نہ کر رہی ہے بتایا گیا ہے کہ جواں سال خاتون نیلا بی بی اپنے بیمار بچے کی دوائی کے لے ڈاکٹر کے ہاں جا رہی تھی کہ راستے میں موٹر سائیکل ڈاکوئوں نے خاتوں سے پرس چھین لیا۔ نقدی اور دیگر کاغذات چھین کر لے گئے۔ ڈاکوئوں نے بنک سے رقم نکلوا کر آنے والے شہری حسنین احمد کو روک کر لوٹ لیا۔ 70 ہزار روپے چھین کر لے گئے۔ شاہدرہ میں بنک سے رقم لے کر آنے والے واپڈا ملازم منظور نامی کو نوسربازوں نے جھانسہ دے کر لوٹ لیا۔ 20 ہزار روپے کی رقم چھین کر لے گئے۔ پولیس نے مقدمات درج کر لئے ہیں۔علاوہ ازیں جلال پور میں مبینہ پولیس مقابلے میں 2 ڈاکو ہلاک ہوگئے،ڈاکو متعدد مقدمات میں مطلوب تھے۔ پولیس کے مطابق ڈاکو متعدد مقدمات میں مطلوب تھے۔جبکہ ان سے اسلحہ برآمد کیا گیا ہے۔