صوبائی وزیر سپیشلائزڈ ہیلتھ خواجہ سلمان رفیق کا بینظیر بھٹو ہسپتال کا دورہ
لاہور(کامرس رپورٹر) صوبائی وزیر برائے سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق نے جمعرات کے روز بے نظیر بھٹو ہسپتال راولپنڈی کا اچانک دورہ کیا۔خواجہ سلمان رفیق نے پارکنگ سٹینڈ، ہسپتال کی کینٹین ، مختلف وارڈز اور فارمیسی کا معائنہ کیا۔انہوں نے پارکنگ ایریا اور کینٹین میں ناقص صفائی ، کوڑا کرکٹ اور گندگی دیکھ کر سخت ناگواری کا اظہار کیا اور ہسپتال انتظامیہ کی سرزنس کی۔ناقص صفائی پر پارکنگ سٹینڈ کے ٹھیکیدار کو پانچ ہزار اور کینٹین ٹھیکیدار کو دس ہزار روپے جرمانہ کیا۔
