قومی کرکٹ ٹیم کی بھرپور پریکٹس، بیٹنگ کوچ ٹپس دیتے رہے
لندن(سپورٹس رپورٹر) آئی سی سی چیمپئنز ٹرافی میں پاکستان ٹیم نے اپنے تیسرے لیگ میچ کی تیاری کے لئے نیو پورٹ گرا¶نڈ کارڈف میں بھرپور پریکٹس کی۔ پریکٹس سیشن کے موقع پر ہیڈ کوچ قومی ٹیم کے کھلاڑیوں کو گروپ کی شکل میں لیکچر دیتے دکھائی دیئے اور کھلاڑیوں کو میچ کی اہمیت کے بارے میں بتایا۔ اس موقع پر کھلاڑیوں نے بھی اس عزم کا اظہار کیا کہ وہ جنوبی افریقہ کے خلاف میچ کی طرچ پوری قوت کے ساتھ میدان میں اتریں گے۔ سابق کپتان محمد حفیظ بیٹنگ پریکٹس کے دوران بیٹنگ کوچ گرانٹ فلاور سے ٹپس لیتے رہے۔ پاکستان اور سری لنکا کی ٹیموں کے درمیان آئی سی سی چیمپیئنز ٹرافی کے لیگ مرحلے کا آخری میچ 12 جون بروز پیر کو کھیلا جائیگا۔ میچ پاکستان کے معیاری وقت کے مطابق دن اڑھائی بجے شروع ہوگا۔ فاسٹ باﺅلر رومان رئیس نے بھی قومی ٹیم کو جوائن کرلیا ہے۔
